مئهريبان پيشيک
مئهريبان پيشيک
گونلرين بير گونونده بير آدا ساهيلينده بير باليقچي آروادي ايله بيرليکده ياشاييرديلار.
اونلارين بير گؤزل بوز پيشيکلري واريدي. باليقچي ايله آروادي بو پيشيگي چوخ
سئويب و اونا فخر ائديرديلر. پيشيک ائوه گلن زامان سيچانلارين هره سي بير يانا
قاچارديلار.
بير گون آرواد باليقچييا دئدي: " بايرام ياخينلاشير. بيز پيشييه بايرامليق وئرمه
ليگيک. بير بالاجا باليق ياخشي بايرامليق اولا بيلر.
بايرام آغشامي اولدو. هاوا توفان ايدي. دنيزده اوجا شپه لر دالغالانيرديلار. آرواد
تئز-تئز بير پنجره نين قاباغينا گئديب و ائشيگي گؤزدن گئچيرديردي. بوز پيشيک ائوه
گلن زامان هميشه بو پنجره دن ايچري گيرردي. نهايت بير ائشله مک سسي گلدي.
آرواد تئز پنجره ني آچيب و پيشيک ايچرييه آتيلدي. اونون آغزيندا بير شئي واريدي.
پيشيک آغزين آچيب و آغزينداکين آروادين قاباغينا قويدو. آرواد بو گيرده شئيي الينه
گؤتورن چاغي بير آجيقلي ميياولاماق سسي ائشيديلدي.
او بير ياري-دونموش بالاجا پيشيک ايدي. مئهريبان قوجا پيشيک بو بالاجا پيشيگي
ساهيلدن تاپميشدير. بالاجا پيشيک يولون آزميش و آز قالميشدي يورقونلوقدان هلاک اولسون.
باليقچينين آروادي بالاجا پيشيگي ايمکاني اولدوقجا قورودوب و اونو بير پتويا بولگله
ييب و اونا ايستي سوت وئردي. بالاجا پيشيک ايستي سوتو ايچندن سونرا مئهريبا
پيشيگين سله سينده ياتي. ماهريبان پيشيک، بالاجا پيشيگين يانيندا اوزانيب اونو
قيزديريب و اونا گؤزتچي اولدو. بئله ليکله بالاجا پيشيک باليقچي ايله آروادي نين
يانيندا قاليب، ياخشي بير ائو صاحیبي اولدو.